ضــع اعــلانك هنا
الملاحظات
|
|
أدوات الموضوع | انواع عرض الموضوع |
|
|
السلام عليكم
مسائكم عسل بغدادييــــن
شلونكم نفر نفر عساكم بخير يارب اليوم اثناء تصفحي على الفيس البوك ودا اشوف الوبستات الي بالكروبات والتعليقات يعني فعلا مهزله وين قبل عن هسه طبعا قارنت الوقت سابقا وحاليا يعني مثلا سابقا كان العراقيين يستخدمون فقط المنتديات ماكو شي اسمه طائفيه وماكو شي اسمه متزوجه وادور حبيب صغير وهواي امور وحتى بالمنتديات تستفيد هوايه شغلات بحياتك ومنها واتكلم عن نفسي كمثال لا اكثر عندي معلومات عامه كلش هوايه واتعلمت الفوتوشوب بصوره احترافيه وهووايه شغلات بعد وبعد هسه تدخل عل فيس حجه فلان وكال فلان ترى والله دندمر نفسنا وعقلنا بهاي الشغلات التافهه الي تزرع الفتنه بعقولنا بعده حشاكم بكد .... ويسب ويلعن بالطوائف وهو دفتر اللقاحات ممكمله بعده وبرأيكم شنو السبب متابعه الاهل ماكو او الانفتاح الي ديمر بيه البلد او سبب أخر برأيكم واتمنى اجاباتكم الصريحه بالموضوع تحياتي الكم اخوكم Mr.Abo0ody
|
|
|
رد: السلام عليكم
وعليكم السلام ورحمة الله وبركتة ..
وحياك الله اخي الكريم ويامرحبا بيك وموضوعك المهم طبعاً اني من الناس ولله الحمد ماستخدم هذا الاوسائل من المواقع الاجتماعية ولو البعض صار يقيس التطور بيها يعني اذ ماعندك فيس وايميل وتكضيها بجذب والخداع على الناس مو متطور ..؟؟ مع احترامي للـــ الزنين واصحاب العقول الفاهمه والي تخاف الله بس هاي النماذج المذكوره بموضوعك هي الي تاخذ اوسمة الشهرة ومقياس التطور ومع الاسف اولئك اصحاب عقول فارغه ناس اصل لا تستحق الذكر يعني تلكه متحمس ومخبوص بسب وشتم وطائفية عليش ع كيفك والله ماتسوه هدي وعقل وتذكر قول الله سبحانه وتعالى (ما يلفظ من قول الا لديه رقيب عتيد) وانك راح تحاسب ع كل كلمة تكولها .. بس المن تحجي والمن تكول .. النو الخلل من الاهل وعدم متابعتهم الابناهم اما اذ تلكة بالغ ويحجي هشكل فاكيد الخلل بل العقليه وهاي يردلها وكت حتى تصلح ودعاء من الله ان يهدي كل ضال ويجمع كلمة المسلمين ويبعد عنهم كل افكً اثيم .. اللهم امين اشتاقينه الموضيع الي تهز البنه التحتيه المشاعر ههههه تسلم وتعيش ونترقب المزيد وحيااااااااااك الله تقيمي +النجوم
التعديل الأخير تم بواسطة ♡☆Princess☆♡ ; 07-08-2015 الساعة 04:14 PM.
سبب آخر: تغير لون
|
|
|
رد: السلام عليكم
اهلا وسهلا بيج عزيزتي اميرة سامراء
فعلا واتفق وياج انو رقابه ومتابعه من الاهل ماكو واكيد هاي فئه المراهقه نكدر انسميها والطامه الكبرى اكو هوايه شباب وحتى كبار في العمر واصحاب شهادات منهم البكلوريوس والماجستير وحتى الدكتوراء عدهم هاي العقليه المتخلفه وما اجمع الكل بس احجي بالي شفته والي مريت بيه من هيج نماذج ما اكول غير الله يهديهم واذا منهدوا ان شاء الله يشيلهم صدكي كل هذا الي دنمر بيه حاليا من ظروف سيئه بسبب هاي النماذج الطائفيه وغيرها من القتله حتى مرات اصفن اشوف الوضعيه اكول هذا كله غضب من رب العالمين ولوما الناس الطيبه موجوده يمكن كان ماكو شي اسمه عراق وتحياتي الج واسعدني رأيج وتواجدج بالموضوع وشكرا على النجوم والتقييم Mr.Abo0ody
التعديل الأخير تم بواسطة Mr.Abo0ody ; 07-08-2015 الساعة 05:17 PM.
سبب آخر: !!
|
|
|
رد: السلام عليكم
ممم بالنسبه للمواضيع الطائفيه الي ديحجون بي
ترة هي شي موجود وبعدين اكو ناس يتربون ع كره الطائفة الثانيه وهالشي شايفته كدام عيني بحيث يكبر الإنسان هو ميعرف شنو بس متحيز لطائفته للا سبب ولو تسأله ميعرف يجاوب أي شي وهالشي مجربته بس المهم هو صح وغيرة خطأ وهاي يرادلها تغيير طبيعه التفكير اول شي بتقبل بقيه الطوائف والأديان وثاني شي انه محد يفرض شي ع احد وثالث شي والأهم توسيع الفكر من ناحيه تقبل الآراء وموضوع ثاني هو الأخلاق يعني من أي ناحيه اذا الإنسان أخلاقه م تحكمه م ح بأثر بي حجي والمشادات الي دتصير كلها بين ناس مدري شلونها ويتفاخرون منو سكت منو أو منو غلب منو واكيد كل أنسان اله هدف لما استخدم هل وسائل وكل شي اكو مفيد وأكو لا وكل إنسان يحدد الي يريدة وبالنسبه لدور لأهل اتوقع يكونون أما مربين ولدهم ع الشي الصحيح لدرجه انه مامنين بيهم وناطيهم راحتهم أو مالهم علاقه بالموضوع من الاساس وهاي نتايجهه الله يهدي الجميع تحياتي
|
|
|
رد: السلام عليكم
اكيد الاخلاق وتربيه الاهل الها دور كلش كبير في القضاء على الطائفيه اسعدني مرورج عزيزتي
|
|
|
رد: السلام عليكم
مساء الانوار حبيب كَلبي
بالنسبة للفيس بوك مع الاسف بقى بس للمزعطة حشاك وحشى الزينين طبعاً وهاي سوالف الطائفية والتكبيل ما شاء الله عينك وما شافت كلها بسبب انعدام الاخلاق وعدم المراقبة للصغار عند استخدامهم الشبكة العنكبوتية وماشاء الله هسة اذا ملاحظ زايدة سالفة الاعترافات هههههههههههه هاي تحب هذا وهذا يحب هذي وهذي ضايجة من زوجها ........ الخ هههههههه والله بسبب هذه النماذج قللت دخولي للفيس بوك تسلم على طرحك لهذا الموضوع والله يهديهم ان شاء الله تحياتي
|
| مواقع النشر (المفضلة) |
| الكلمات الدلالية (Tags) |
| السلام, عليكم |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| من صبا نجد الى دار السلام ،،،السلام عليكم ،، مدونتي عالمي الخاص | عصــ الدمع ــي | منتدى مدونات الاعضاء | 264 | 05-01-2016 03:54 AM |
| السلام عليكم ورحمة الله وبركاته ... لااطيل عليكم اخليكم مع الموضوع للحوار فيه 0 | ằbŐϋdЕ | منتدى النقاش والحوار الجاد | 10 | 05-06-2011 11:25 AM |
الساعة الآن 08:38 PM
جميع الحقوق محفوظة لمنتديات بغدادي الحبيبه
