اكثر من 100 ابو ذية - منتديات بغدادي الحبيبه
  التسجيل   التعليمـــات   التقويم   اجعل كافة الأقسام مقروءة

مجلة بغدادي
عدد مرات النقر : 220
عدد  مرات الظهور : 4,569,433
مول بغداد
عدد مرات النقر : 226
عدد  مرات الظهور : 4,569,030هذة حياتي
عدد مرات النقر : 172
عدد  مرات الظهور : 4,569,029


منتدى الشعر الشعبي شعر ، شعر شعبي عراقي 2014 ، شعر شعبي عراقي 2014 ، اشعار عراقية ، اروع الاشعار العراقية ، اجمل الاشعار العربية ، اروع الاشعار ، اجمل الاشعار ،ابوذيات عراقية ، ابوذيات 2014 ، اجمل الابوذيات العراقية

إضافة رد
 
LinkBack أدوات الموضوع انواع عرض الموضوع
كُتب : [ 02-26-2008 ] رقم المشاركة : ( 1 )
ViP


[بيآناَتي]
تاريخ التسجيل : Jul 2007
رقم العضوية :4130
آعجب بي :
آعجبت به :
الجنس : MALE/FE-MALE ~
مكان الاقامة :
عدد آلمشاركات : 32,552
عدد آلمواضيع : 2393
عدد النقاط : 2052
مشآركاتي في اليوم بمعدل : 12.61
الدولة : علم دولتك
قوة التقييم : صائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميز

تابعني على

صائد القلوب غير متواجد حالياً




سهم نابت بلب حشاي ماضي
وعلى كتلي بهواه المحب ماضي
عشرتي وياك صارت فعل ماضي
وصفت لليوم حاضر بالاذية

***** *****

يامن حسن الخلق ملبسة ورداه
سهم لحظك صوب الدلال ورداه
اتمنى اوصل الخدك واشم ورداه
حتى اطيب وماتظل كل علة بية

***** *****

تمر وعلي ساترهه بختهه
حچت ونار البگلبي بختهه
بخت من كال بدلهه بختهه
شلون الذهب والفضة سوية

***** *****

بجت روحي بتوالي الليل ونعت
وتذكرت الزمان الفات ونعت
جنت مهيوب هسة اندفع ونعت
تمنيت الموت ولايصير الصار بية



الكلب عاف البشر كلها والك راد
مشى وسافر تذكركم والك راد
عرب ما طيبوا علتي ولاكراد
دواي انت يهل مبعد علية


يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد اليه


بيدي بكيفي اطشرنك ولمك
ولاابوك العلي يلحك ولمك
اذن حقي انه اعتب ولومك
عليك اعتب لانك خنت بيه



عليك المات والحي سائل انه
صلب لاكن لربعي سائل انه
وكفت اباب بيتك سائل انه
وذا ماتجي هم اسئل عليه


صديقى وظل غدر ينبظ وريدة
ويصاحب صوج كلبي من ورا ايدة
غدرني الجنت احبنا واريد
ووفالي الجنت اظنه يخون بية

**** **** **** ****

على كبري ردت تذكار خطك
لان احلى من العسل يهواي خطك
ذبحنى شما ادك مشغول خطك
صفى بس المسج ساتر علية


بغرامك تيهت اصلي وجدي
لان ماتعرف مزاحي وجدي
اباب اهلك لريد اكعد واجدي
بلكت ينكسر كلبك عليه

**** **** **** **** ****

الفرح ماضن اجه للروح بسط
وعلى ظهري تدك دنياي بسط
الوكت بعضاي يم عداي بسط
وحاجه بربع ضل يبيع بيه


قسيت اوياك يسمر عمي أنا
وعين الماتشوفك عمي أنا
إذا خالك فزع لك عمي أنا
تبرى أوضحك الوادم عليه


الكلب حبك وغيرك ابد مختار
ولدروبك يغالي صبح مختار
بحبك تاه مخه وصار مختار
يحط عالناس بس ميحط عليه


حبيبي الشوك لا تكطع وصاله
الك بالكلب كم غرفه وصاله
نجوى تروحلك فدوه واصاله
ولجل عينك لطيفه التونسيه


شريعة سيد الكونين وضحه
وسعيد الي مشاهه بخير واضحى
يعيد كل سنة بكل فطر و اضحى
يشارك بالفرح صبح ومسيه



وحك عباس ومصابة وسكنه
لا دار البكه عندي وسكنه
الألم لوهاج ياذيني وسكنه
ويضل هايج ألم فركاك بيه


تنام الناس نص الليل وناي
أون محد سمع ياناس وناي
تعال أسمع لحن هالروح وناي
تعال وشوف حالي اتحن عليه


احبك من زمن جدك وجـــدي
وحب كلبي الك ثابت وجـدي
اريد اوكف انه ابابك وجدي
بلكن ينكسر كلبك عليــه


طعم حبك يمحبوبي شفانة
تشابكنة ولا واحد شفانة
تتذكر من سوى طبكن شفانة
سكرنة وللارض طحنة سوية


العمر ماي وتبدة غفل وانجب
وصفيت اعثر واطيحن وكع وانجب
الوكت من زمخ كتلة انلصم وانجب
وخزرتة بغيض من عاين علية


زمان صباي كوطر وله جنه
وصرت مثل اليتيم الوله جنه
عفتنا يا مدلل والله جنه
انتباها بيك من دون الملا

**** **** **** ****

ذبحتونا يبو كذيله بلا موس
وهمت مجنون من ضيمك بلا مس
احبابي من ذكرناكم بالامس
بجينا دموع بللنا الثياب

**** **** **** ****

ابد ملكا مثايلهم بالاجرى
وراهم اتعبت جدمي بالاجرى
يوينه اليوصل كتابي بالاجرة
بشير الخير لو ردلي الجواب

**** **** **** ****

عكب طيب الليالي مرمرني
سنين السعد راحن مر مرني
كوس الشهد زادي مامرني
حنضل صارن بفركا الاحباب



حبك شامة بخدودي ودكة
واحط بالكلب بسمارك وادكة
شكم دكة شفت منك ودكة
ورغم كل هذا حبك موبدية


كلب صافي لون تهوى كلبنه
وابد مايوم عـالصاحب كلبنه
احنه اظلوع الك وانت كلبنه
ونحافظ عـالكلب من كل اذيه


جمالك مو ملك احد فلك بيك
وانتة لكل فلك شاهد فلك بيك
من اكظنك اريد العب فلك بيك
يهودي وكظ فلسطيني بزوية.



أحب اثنين بس أهلي والأعراق ..(العراق)
وحبك يا وطن بية والاعراق ..(ولع راق)
كل طيبة جذر مني والاعراق ..(جمع عرق)
من طيبة أهل خير البرية


اريد انشد شعر فصـحـى و شعـبي
و اشـيد بشيمة اجدادي و شعـبي
و اخبر كل شعر عنهم و اشـع بي
و أﮔـول اشعارهـم و الابوذيــة



هلي خلو علي حراس .. وعيون
ومن دمعي جرى نهرين .. وعيون
شلون خدود عندك ياولف .. وعيون
كبار ويامحلا نظرتهن علية



احبك وغير حبك .. لايلفني
وعسى منامي بعد فركاك .. لايلفني
دخيلك لف شعرك .. لايلفني
حرير ويلعب بين ادية



الروح تعرف تنصف من نصفهة
والمعاني البيك اعجز من اصفهة
يم خدك الورده من اصفهة
هواي اجمل تعترف هية


هجرت القلم بعدك ولكتاب
دليلي من العشگ يسمر ولكتاب
وحگ العرش ولقبله ولكتاب
بذكركم كل صباح وكل مسيه.


السمة والكاع لو مر ماتلمني
اون وجروح كلبي ماتلمني
انتة لو شايف حلاتة ماتلمني
تكابلني وتظل تلطم علية


نبيع الروح للينشد علينه
وصبح ثوب الحزن لايك علينه
وحك عباس والحمزه وعلينه
نظل ننشد عليكم للمنيه


حبك شامه بخدودي ودكــه
واحط بالكلب بسمارك وادكه
شكم دكه شفت منك ودكــه
ورغم كل هذا احبك مو بديه



بفلوس الخمط صافن ولاهاي
دبي يحلف يسويهه ولاهاي
لاذيج التصح هسه ولاهاي
أولا تبليط ضل بالناصريه


دمع عيني بغيابك بره سايل
وعليك الكلب يطلع بره سايل
ما ينفع غزلنه برسايل اريد الغزل وانت بين اديه


خلص دمعي بغيابك دمعة دمعة
وتظل دش لحياتي صافي دمعة
كل الناس طابوكة بس انت دمعة
وفدوة يروحلك حتى الثرية


صديقي الماخذ بشورة وراية
اثاري يطعن بضهري وراية
علك لافتة بضيجي وراية
واشوفة بلا خجل يضحك علية


الزعل بينك وبيني ابعيد خله
واحنا من الصبا ياصاح خله
تسدلي انت واسدلك دوم خله
وحجيهم عم عليك وعم عليه


عليك الروح تنشد ما تمرهه
وامرهه مو بديهه ومات امرهه
وعليك اليوم نعقد مؤتمرهه
وتحدد جدوله بموعد الجيه


صرتو انتم سوالفنا وحجينا
وعليك بخير صدكني حجينا
حبيبي ارجوك جاوبنة حاجينا
من تزعل تضيج الروح بية



ياترف لو نفترض ربك محلاك
هم يجي واحد وياخذ محـلاك
عكدتك بلكلب عكده محــلاك
الا وي الكلب تطلع سويــه



اريدالياس منك ياسه ياسه
وهذا الكلب صدك ياسه ياسه
تريد تحجي بسياسه ياسياسه
سايستك كبل دكيت بيه



اعزائي هاي مناضرة بين رحيم المالكي وعريان السيد خلف

رحيم المالكي ...
عليك الليل كلة انة وانة
ومعاك العتب هسة انة وانة
التهدد بالنفاهة انة وانة
ويلك مو طبك دهري علية


عريان السيد خلف ...
نبي ونجبر خواطر من يبينا
وسر موس البكلبي من يبينا
اذا مرة انتخينا من يبينا
نهد العالية بعلو الثرية


رحيم المالكي ...
لائن طكات شماتي بهاماي
وشل لا تضن عيني بهاماي
اذا عذ الرضا يبصم بهاماي
اكطعة الجان يرضالي بردية


عريان السيد خلف ...
العلية غير اهلها من علاها
وروحي خسة الكلك من علاها
بعزم الله نخلتي من علاها
يراموها بحجر وتضل صخية


رحيم المالكي ...
انة روحي الليالي من رسنهة
الاصيلة انت تعرفهة من رسنهة
سيوفي مغمدتهة من رسنهة
ركاب عداي ومبردهن ادية


عريان السيد خلف ...
اعلي بالوصل روحي علني
وسوالفكم بدلالي علني
ليالي لجنت خازلهن علني
وغدت عجلة مخالبهن علية


رحيم المالكي ...
انة الواضح والمبين ولا خاف
وانة الما رجفن جدامي ولا خاف
وانة الما نكص وزني ولاخاف
اختفيت وخفت وزن العلية


عريان السيد خلف ...
يكلبي شكثر يحمل بعد يملاك
تعدى والعقل بالصبر يملاك
ابن ادم لو ملك قارون يملاك
وبلا اخلاق ما ينسهب مية


زرعت الصبر فوك الجبال ورد
وزكيته من دمع العين ورد
حبيبي اسأل عليك الراح والرد
انته شلون ما تسأل عليه


عذاب الروح انتي وانتي صحتي
ولامره نصحتــج وانتــصحتي
بعدني ما لزمتج وانتي صحتي
وكلبتي الدنيه والوادم عليه





من كثر شكواي مل زماني
والفرح كدام عيني مل زماني
قروني هواي كلش مل زماني
ولا واحد كتب مرة عليه


سيف الدهر خلاني بلادين
وابعدني عن اهلي بلادين
صبحت مطلوب للعالم بلادين
وحتى الردي يهز يده علية


يدهري شحصلت منك بسداي
عليه محورب وتهدم بسداي
انه التدخل الوادم بسداي
صرت وحدي وادور سد اليه




أنا المجروح من ناسي وخلي
واجيب الملح لجروحي واخلي
راح أفتح قفل گلبي واخلي
المابچه يبچي عليه


ترص ايدك واعاني من رص يدك
وانا الصياد واحلم مرة اصيدك
اذا سنتات ظلن من رصيدك
دخيلك بالجذب رمش علية


ما شاء واضن اليوم شاءلك
وعلى راسه احس الكلب شالك
على شعرك لون ذبيت شالك
تذب عا لروح طركاعه وبليه



عساهه بكلب دنيانه وكلبين
اريد الهه جسم صاحي وكلبين
اشو الحلوات شافني وكلبن
يجوز من الكبر بين عليه

**** **** **** ****

كلبي صار بسمك يعني مالك
وشنهو اللي بقالك عندي مالك
عشت بقصر حبك وانته مالك
ورضيت بجورك وضلمك عليه




بالك من النساء يسمر وعدهن
جذابات ما يوفن وعدهن
يفلانة من احسب عيوبج وعدهن
عدد خوص النخل بالناصرية



حبي انفضح لاجلك صار شعلة
وانة النورت دربك صار شعلة
اشعلة الكلب رايد ؟؟ صار اشعلة

اقفلة الكلب لاجلك ؟ صار اقفلة
ولباب الكلب حبك صار قفلة
اكوم لحسن عينك؟ صار اقفلة

اصد الشمس عنك ؟ صار اسدها
ولبحيرة كلبي حبك صار سدها
يلبوة حسن كلبي .. صار اسدها

الاسد لو شاف طولك صار حرمة
العمرك عمري اتلفة وصار احرمة
احرم شوف غيرك ؟ صار احرمة

اعلة موتت شوفي اعينك ؟ صار اعينك
ويكلبي بنص ضلامك صار عينك
تريد بروحي اعينك ؟؟ صار اعينك

شعين بية كلبك صار اداري
وية ظلك انة ساكن صار داري
حبيبي بروحي اخدمك صار اداري

حديد الكلب لاجلك صار فضة
العتب وياك اختمة وصار افضة
افضلك دمع عيني ؟ صار افضة

ونزل دمعي اعلة خدي وصار جاري
وانة الاجرت كلبك صار اجاري
اجاري عناد روحك؟ صار اجاري

اعلة روحي اتريد اسيرك ؟ صار اسيرك
وكلبي بقفص حبك صار اسيرك
عذابي ايسر جنابك ؟ صار اسرك

حبك حكم كلبي وصار ابوية
وصبغ كل هذا حجيك صار بوية
اسكت ما اعاتب ؟ صار ابوية

عليك اتريد اسلم؟ صار اسلم
ورتقائك كلبي غاية وصار سلم
اسلمة الكلبي بيدك ؟ صار اسلم

تريد بكلبي اقدسك ؟ صار اجلك
واذا انتة الكبر مسك صار جيلك
زحف رايدني اجيلك ؟ صار اجيلك

واجالك زحف كلبي وصار طفلك
وطفي بشفتي نارك صار اطفلك
مقام اتريد ازورك ؟ صار اطفلك

بشعرك طاف كلبي وصار مشرك
وريدي بحبل شعرك صار مشرك
حرام ادكلي تشرك .. صار مشرك

شركت وهسة حبك صار ديني
وذنب حبك خطيتي وصار ديني
شخصك هسة جاني ..وصار ديني !!

شوكت تدريني مشرك ؟ صار مدة
وجرحي بدم غيابك صار مدة
بطولك جرحي امدة ؟ صار امدة

جرحي بكبر طولك صار طولة
وتكلي شوية طولة . صار اطولة
اذا انتة النجم رايد ؟ صار اطولة

حبي شعمرة تسال ؟ صار قبلك
وينار بشفتي ابوسك صار اقبلك
يكلشي بكلشي اريدك صار اقبلك

تريد بظلي اشوفك؟ صار اشوفك
وبشمع عشر الاصابع صار شوفك
اكشف كلبي اشوفك ؟ صار اشوفك

خلص كلبي بيدك صار خالي
وانة الخاويت كلبك صار خالي
تغلط وابقة ساكت ؟؟ صار خاللي

شكلك وانتة ابوية وخال الية ........




عرفتك وعرفت لغزك وحلاك
وحق من جملك يسمر وحلاك
چذب من ايدي اهدنك واحلاك
لانك روح وفراكك منيه





من عرفنة
طلعنة برة العراق ما انعرفنة
يابوية من سأل علينة من عرفنة
حيل كيفنه والله من عرفنة
صار العراق بخير وراحت منه الرديه



وانت را كض
من الفگر ننهزم وانـتـراكض
الچلب موعظك وانت راكض
عشاك صار خباز وانت راكض
تعبت الرجلين وگمت امشي على ايديه



بس خواني
الزمن ما وكف لي ... بس خواني
ما الي بهالدنـيـا بس خواني
الوفى ماعرف دهري بس خواني
والخيانة من الوفي طاحت عليه



وانت ناسة
نساك الطلع برة ونـتـناسة
يالعراق انت اهله وانت ناسة
يذكرك تراب الوطن وانت ناسة
لاتنسة الفرات من شربت ميه



نص احترك من هجرك ونص طاف
وغرك نصي ابحر حبك ونص طاف
يريت المدرسة ترجع ونصطف
وابدلك بالعلم واخذ تحية

عجب مامر عزيز الروح بس لاح

رماني وردت ارد السهم بس لاح

لجيبك لو تصير اليوم بسلاح

وتداوي جروح علاتي الخفيّه


حبيبي اكل فلافل ونته باجه
شوكت تكعد كبالي ونتباجه
ولك بسمار كلبي ونته بجه
وبساميرك عوج ردهن بديه

وكع قلبي بغرامك ماتشيله
وجرح شوك البيه ماتشيله
اخابر وانت تسمع ماتشيله
ولك هالروح ماتحمل اذيه

يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه
ا


انت الكلب والروح مالك
صرت كلي الك ياترف مالك
تصد عني وتدير الوجه مالك
تعذبني وتحملني الأذية


اريد الدنيا تصفى وياي بس يوم
واشوفك ياكحيل العين بس يوم
تنوح امي عليه وصحت بس يوم
الذنب ذنب الحبيب قاسي عليه



عينه
ياربي لو نخاك العبد عينه
وسيعه وماتحب الكحل عينه
رفع طرف العباية وشفت عينه
شفت ميزان ونجوم وثرية



يلايم لا تـلوم الگلب دمعين
جرح البيه ما يندمل دمعين
فايض بالجفن هاليوم دمعين
على مصاب النبي وظلع الزچيه


حبيبي بيا بخت وياي شديت
وعدا هجرك الي شقدمت شديت
بأصبعك حتى تذكر خيط شديت
انحسر دمك ولا فكرت بيه


كبل يفهمني كلبك منك احلى
وانا الما يوم شايف منك احلى
اجيت لرمش عينك منك احلى
سحرني والكحل طاح من ادية


نصحته ولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نص حاي
نحيـــل ولا اثــــر نكاد بيه


حبيبي ما تحب النفس بعداك
عديت شحصلت يا ترف بعداك
نخيت الصبر ويه الجان بعداك
وهسه انت الخنت بيه


وحك ارموشك الحلوه...وعينك
انا بالشده واكفلك...وعينك
لون بيدي لنصبنك...وعينك
ملك تحكم على كل البريه



شجاهه الروح عافت من...وصلها
اظل ارسل واخابر من...وصلها
تظل النفس طيبه من...اصلها
انا الممنون لليسال عليه


انا بجفي وتد بالكاع دكيت
ولا دكت نذل بالناس دكيت
بعدني ماطحت وانت طبول دكيت
شد وصلة وأركص عليه


تموت الروح يا صاحب بعدكم
وريح المسج ما فاحت بعدكم
ترى يالعزيز شما طال بعدكم
تضل وسط الكلب غالي عليه


نحيل الجسم من بعدك تراني
واريدك دوم بعيونك تراني
افكر بيك كل ساعه تراني
افكربيك والبعد يصعب عليه


تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكــم
ويريت الحلم واليقــضه سويه.



عليك اشكد رجف قلبي وداري
ولجل عينك بعت ملكي وداري
اضن تعلم بـــضيمي وداري
شكد احبك ونت تضحك علية


هنا يلخذة روحي وانتة بيها
المحاسن فرع منك وانتة بيها
لا تحرك جبدتي ونتة بيها
خوفي عليك مو خوفي علية


انة جناح الحزن رفرف منسماي
يموت الموت لو يشرب من سماي
اضن تختض لو تعرف منسماي
واخاف عليك لا تنصدم بية


احبكم اكثر من الكون وانـسة
وعندي الموت اذا يرضيك ونسة
ما فارگ ابد ذكراك ونــسة
واقدم روحي لعيونك هدية



الك دوم انه اتعنى وصل بيك
وعنادك وين يبن ادم وصل بيك
حبيبي وشايل بجيبي وصل بيك
وباجر بيك انا مطلع هوية


انا بحبك ابد مافد يوم غشيت
وعن كل الشباب النظر غشيت
كعدت يمه وعلية بسكوت غشيت
وكف صاح المدرس غشت علية


عراق انت والك بالروح منصب
وعلى فركاك دمعي منصب
عسى موتي قريب وقبري من صب
ولا اسمع خبر عنك اذيه


انة الشديت جرحك ليش حليت
وعلي حلة الطلاب حليت
ذكرتك بمتحان وغلط حليت
شجاوب وانتة شاغل حتى ادية


يگلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بيه


يهل ناديت بسمي هواي عيدة
ويهل ماخذ دليلي وياك عيدة
الكلب مو بس بعد رمضان عيدة
انا عندي العيد من نكعد سوية


عشرتك صدك روحي ما تملهة
وكلبي ايام سعدك مات املهة
اريد انصب لروحي ماتم الهة
واشوفك هم تجي وتبجي علية


وصلني اخر خبر منك وردني
واخذني للسمة هجرك وردني
مثل برعم زرع بعده ورد ني
صورة كلبي بعدك هاي هيه


جفن هالعين من فركاك كوطر
واخذ كلبي العكل وياه كوطر
تعال ارجعلي شوف شلون كوطر
خلافك كل جزء مني بزويه

جيت انشد ليالي هواج عتاب
واغني بونة من الروح عتاب
يصيح الكلب ويه غناي عتاب
احبنج واظل حد المنيه

صدك راح اعذبنك وهملك
وبعد مااركض الجيتك وهملك
بعد ميفيدك انحيبك وهملك
لان حبك دغش كلة رديه

عشكتة ورفضوا اهلي شيعوني
وعلى قبلة يهودي شيعوني
صفت بس الجكارة شي يعوني
على حب الشعر والابجديه

الف رحمة اعلة والدهم سموكة
والف لعنة اعلة طاريهم سموكة
اورث الروح من اجلك سموكة
والفنهة جمر نركيلة هيه



تهذبنا بهواكم وانتهينه
وادور هناك عنك وانت هينه
الكلب بيدك يغالي وانت هينه
تهين وتأمر وتنهي عليه


غالي الدهر بجفاكم بلانه
وقدر مكتوب من الله بلانه
شلون اتنام يالغالي بلانه
وحنه سنين عشرتنه سويه


يفز مثل الكَة كَلبي منشفاه
وعسل يالجان مشروبي من شفاه
عسه كلمن كَطع شفي من شفاه
بمرض لا للشفه ولا للمنيه



يفز كلبي لوليفي وافر بي
اشبكَة ومن فرحتي اركص وافربي
اذا شتا وجو بارد ووفر بي
احس تموز حضنه يصير اليه



وسفه الوكت عنك لهانه
واذا حبك حبر هايج له انه
صرت ملفوف جني لهانه
شفتك والخجل بين عليه


يغالي الدهر بجفاكم بلانه
وقـدر مكتوب من الله بلانه
شلون اتنام يالغالي بلانه
واحنة سنين عشرتنة سوية


عنيت وبس عليك الناس يعني
ومنو غيري الك بالناس يعني
اكله شكد تحبني يكلي يعني
شنو اليعني منو اليصرفة الية


الكلب لا مظهر ولا مال غربه
ولو عمري بحماده انشتل غربه
ما احمل بكاع اجناب غربه
احن واشتاك لهلي بكل مسيه


يمن ردت الك ركعة عصرها
الرجس للزهرا لوعها ابعصرها
ننشدك شالسبب شفتة ابعصرها
ابابك ماقمت يابو الحمية

(2)
عن لسان الزهراء(عليها السلام)

انا وطفلي ياذنب الجنينا
موت وعصرة من فعلة الجنينا
عليه احشائي ينشد عن جنينة
صدك بعد التعب قتلوه ضحية

(3)
يرد امير المؤمنين علي (عليه السلام)

وحق ربنا الكريم العطا المحسن
لون بالمسلمين ايصير محسن
يثور وياي يطلب ثار محسن
والله مابكت عين الزجية

(4)
ترد الزهراء (عليها السلام)

انا البضعة يبو الغيرة وديعة
حضر موتي اودعنك وديعة
اخبرنك خبر عني وذيعة
ترى العصرة انبتت مسمار بية




مو عيني دمع جسمي ينز لك
يبيتك بالكلب صاير ينزلك
علم عالراس من يكدر ينزلك
والخدمتك روحي لبس عسكريه

**** **** **** ****

اليحبونك بصدك لا تسلهم
وابد عن سبب حبك لا تسلهم
امن احجي وياك عفيه لا تسلهم
احس تاخذ الروح بغير جيه



حبك بالكلب غالي وشلته
ودمعي بيوم هجرانك وشلته
احب كلبك وصحبانه وشلته
واحبك حيل يالمبعد عليه


مسجون لاجنح عندي وامركم
اظل خاضع لمحبتكم وامركم
لابد هالسجن يخلص وامركم
واعاتب كل نذل ما مر علية




متعود على احبابي وراهم
ما بيه حيل أمشي وراهم
لون أدري العشگ هيچي وراهم
أبد ما حب ولا أمر بالأذية


الوكت عمدا بيه طالب آنه
فرد طلبه من الله طالب آنه
آنه أتمنه أصير عدهه طالب آنه
تدرسني وعطرها يعط عليه


دهر ياناس بضلوعي وانا ابني
واخوي الماحمل ضيمي ولا ابني
وعلاقة بعد ماكون ولا ابني
لأن ياهو الأحبة يخون بيه


سرح شعرك تهدل صوبي وانساب
وطفح دمعك على الوجنات وانساب
اسألك ياهو گلي وياك وانسب
وتجازي افعالي الطيبه برديه

***** ***** ***** *****

وعلاه
شربت المر وجرعت الآه عالآه
واصيح الآه وانت ترد وعلآه
وحگ الي سره بعبده وعلاه
لأزگيك الزهر باثنين ايديه

***** ***** ***** *****

بسلاك
عگدت الگلب وسط الشوك بأسلاك
ونذرت العمر ويه الروح بس لك
احبك ولا تفكر يوم بسلاك (بنسيانك)
انه بنومي ويمر طيفك عليه

***** ***** ***** *****

مرعلينه
ترف يامن ضعنكم مرعلينه
هجرتونه وجفاكم مر علينه
حلفت مهما الزمان يمر علينه
منسه ايام عشناها سويه

***** ***** ***** *****

وصـل
يا گاطع بالهجر الارحام وصّـل
ومد جسور وللصوبين وصـل
بالعگرب لا تأمن يوم ولصـل
يلدغك لو چنتله بيوم اخيه


الفرح ماضن اجه للروح بسط
وعلى ظهري تدك دنياي بسط
الوكت بعظاي يم عداي بسط
وحاجه بربع ضل يصيح بيه


امفارك والليالي اسنين مرن
وعلي صاير لذيذ الزاد مرن
طفر قلبي على النقال من رن
حسبت الروح هي اترد علية


انه الانحب عليهم ليل ونهار
و لجلهم دوم اسب بالروح ونهار
عفه للحين ما جنيت ونهار
صلف ظليت عقلي ابين اديه


مريض وصعدت امراضي على شفاي
وطب لندن فلا يكـدر على شفاي
حبيبي من تحط شفتك على شفاي
اطيب ومايضل كل مرض بية


احبكم واحب ميتكم وحيكم
وجثير افرح ابطارشكم وحيكم
متى اوصل منازلكم وحيكم
وشوفنكم ابعيني وهاي هيه

الگلب من ساعة الحبك هِلك ..
ليش احچي وياك ما تحچي ها لك ..
ليش اقتنعو كل هلي بحبك
هلك ما قنعو بحبك ليش اليه


وحك القاب والقوسين ودنه
الغيرك مايلف ويدور ودنه
اكربلك ردت بخطاي ودنه
لاجن تبتعد عني بردية








[ توقيع صائد القلوب ][الملف الشخصي][أضفني كصديـق]


لا تتعجب إذا رأيتني أضحك يوما وأبكي يوما

فأنا كالورد يوما أزين عرسا ويوما أزين قبرا

رد مع اقتباس
كُتب : [ 02-26-2008 ] رقم المشاركة : ( 2 )
" بغدادي واصل للقمر "


[بيآناَتي]
تاريخ التسجيل : Feb 2007
رقم العضوية :1254
آعجب بي :
آعجبت به :
الجنس : MALE/FE-MALE ~
مكان الاقامة : ΜΫ ĆỔMРỨŤẾŔ
عدد آلمشاركات : 11,676
عدد آلمواضيع : 2737
عدد النقاط : 3960
مشآركاتي في اليوم بمعدل : 4.31
الدولة : علم دولتك
قوة التقييم : МσЗĵάβ بغدادي طاكМσЗĵάβ بغدادي طاكМσЗĵάβ بغدادي طاكМσЗĵάβ بغدادي طاكМσЗĵάβ بغدادي طاكМσЗĵάβ بغدادي طاكМσЗĵάβ بغدادي طاكМσЗĵάβ بغدادي طاكМσЗĵάβ بغدادي طاكМσЗĵάβ بغدادي طاكМσЗĵάβ بغدادي طاك

تابعني على

МσЗĵάβ غير متواجد حالياً




عااااااااشت ايدك حبيبي على الابوذيات رووعة







[ توقيع МσЗĵάβ ][الملف الشخصي][أضفني كصديـق]


رد مع اقتباس
كُتب : [ 02-26-2008 ] رقم المشاركة : ( 3 )
ViP


[بيآناَتي]
تاريخ التسجيل : Jul 2007
رقم العضوية :4130
آعجب بي :
آعجبت به :
الجنس : MALE/FE-MALE ~
مكان الاقامة :
عدد آلمشاركات : 32,552
عدد آلمواضيع : 2393
عدد النقاط : 2052
مشآركاتي في اليوم بمعدل : 12.61
الدولة : علم دولتك
قوة التقييم : صائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميز

تابعني على

صائد القلوب غير متواجد حالياً











[ توقيع صائد القلوب ][الملف الشخصي][أضفني كصديـق]


لا تتعجب إذا رأيتني أضحك يوما وأبكي يوما

فأنا كالورد يوما أزين عرسا ويوما أزين قبرا

رد مع اقتباس
كُتب : [ 02-26-2008 ] رقم المشاركة : ( 4 )
ViP


[بيآناَتي]
تاريخ التسجيل : Sep 2006
رقم العضوية :178
آعجب بي : 1
آعجبت به :
الجنس : MALE/FE-MALE ~
العمر : 25
مكان الاقامة : BaGhDad
عدد آلمشاركات : 35,253
عدد آلمواضيع : 2146
عدد النقاط : 916
مشآركاتي في اليوم بمعدل : 12.30
الدولة : علم دولتك
قوة التقييم : Mr.Abo0ody بغدادي ذهبيMr.Abo0ody بغدادي ذهبيMr.Abo0ody بغدادي ذهبيMr.Abo0ody بغدادي ذهبيMr.Abo0ody بغدادي ذهبيMr.Abo0ody بغدادي ذهبيMr.Abo0ody بغدادي ذهبيMr.Abo0ody بغدادي ذهبي
المزاج

تابعني على

Mr.Abo0ody غير متواجد حالياً




عاااااااااا روعة والله مشكور يا بطل







[ توقيع Mr.Abo0ody ][الملف الشخصي][أضفني كصديـق]

رد مع اقتباس
كُتب : [ 02-27-2008 ] رقم المشاركة : ( 5 )
ViP


[بيآناَتي]
تاريخ التسجيل : Jul 2007
رقم العضوية :4130
آعجب بي :
آعجبت به :
الجنس : MALE/FE-MALE ~
مكان الاقامة :
عدد آلمشاركات : 32,552
عدد آلمواضيع : 2393
عدد النقاط : 2052
مشآركاتي في اليوم بمعدل : 12.61
الدولة : علم دولتك
قوة التقييم : صائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميزصائد القلوب بغدادي يستحق التميز

تابعني على

صائد القلوب غير متواجد حالياً











[ توقيع صائد القلوب ][الملف الشخصي][أضفني كصديـق]


لا تتعجب إذا رأيتني أضحك يوما وأبكي يوما

فأنا كالورد يوما أزين عرسا ويوما أزين قبرا

رد مع اقتباس
كُتب : [ 02-27-2008 ] رقم المشاركة : ( 6 )
ViP


[بيآناَتي]
تاريخ التسجيل : Jul 2007
رقم العضوية :4165
آعجب بي :
آعجبت به :
الجنس : MALE/FE-MALE ~
مكان الاقامة : بالموصل
عدد آلمشاركات : 15,303
عدد آلمواضيع : 901
عدد النقاط : 8349
مشآركاتي في اليوم بمعدل : 5.93
الدولة : علم دولتك
قوة التقييم : Z @ I D بغدادي طاكZ @ I D بغدادي طاكZ @ I D بغدادي طاكZ @ I D بغدادي طاكZ @ I D بغدادي طاكZ @ I D بغدادي طاكZ @ I D بغدادي طاكZ @ I D بغدادي طاكZ @ I D بغدادي طاكZ @ I D بغدادي طاكZ @ I D بغدادي طاك

تابعني على

Z @ I D غير متواجد حالياً




مشكور اخوي عاشت ايدك







[ توقيع Z @ I D ][الملف الشخصي][أضفني كصديـق]

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

(أظهر الكل الأعضاء الذين قاموا بمشاهدة هذا الموضوع : 4
ملك الزهور, أحمـــد, دموع حبيبتي, nona_88
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:15 AM



SEO by vBSEO 3.6.1

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194