ومضات حب جديده

يل ماكسرت خاطرج دمعات العيون
ولا فد يوم فكرتي بلصار بية
ترتاحين من يكولون هذا مجنون
واني عيوني جنت مقدمهن هدية



من تزعل ...
أحس الكون زعلان
وعيون الشمس ما بيهه أي ومضه
ومن تزعل ...
تون كل العصافير
ويكوم الحزن من عدهه يتشظه
يا نبع الورد ...
يا دمع آه و آه
يا دجله و فرات بطوله وبعرضه



عذاب البرزخ انته اتعذبت بيك
ولكن بالكلب ضل حبك يزيــد
واذا كالولي عوفه وجنه ننطيك
اريدن برزخك اي جنه ما ريد


اذا تبعد عليّ اقره الســلام
لان بعدك اريد اعلنن موتي
بس قبل ماتبتعد رايد اوصيك
اتذكر ضحكتي وحتى هم صوتي
وكول هوايه حبني وراد ملكاي
يابعد امي وابوي وكل اخوتي.


داخ الكون كله من جمال البيك
وبس انت الصحيح وهل بشر غلطه
انت بغير خبطه ودوخت عميان
كلي شلون خايب من تحط خبطه


بري الذيب ما عنده تقصير
وترى يعكوب منك زاد نوحه
ويوسف مو خوته الشمرته بالبير
هو نصدم بيك وشمر روحه


بينك وبيني استحت دمعة تعال؟
وجان يعبرلك محيط اسطـــــــــولها
انه كاتبلك احبك مـــــــــن زمان ....
وانت كاتبلي نسيت شطـــــــــولها


انته ويه الشمس متطابق الاوصاف
بس شنهو الفرق ما بينها وبينك
الشمس وكت الغروب يروح منها النور
وانته بليل هندس تضوي خدينك


حبك مو ذنب مو اثم نؤثم ليش
بس المايحبك يخسر ويؤثم
لاتندم اصبعك منخلق للبوس
واذا عضيت اصبعك احنه نتندم


قــررت أبعـد وأشــيلكـ مـن العيـون ..
وأمحــي الــكـ كــل صــوره بخيـالـي ..
وأهــدم كـل حـلم بنيتـه فـد يــوم ..
وأشيـلكـ شـلع مــن فكــري وبـالـي ..


مــو ذنــب الـدمـع يحفــر بالخــدود ..
بــس هجــركـ جبـرنـي علـى المنـاحــه ..
تــريـد أرتـاح كــلـي أمنــيـن أرتـاح ..
هـــو اللي يحبــكم يلــكه راحــه ..

موكل باب يندك ينفتح لناس
ولا كلمن يعاشر تنحسب خوه
تره المثلك اخو وينشال فوك الراس
لان متروس غيره وصاحب مروه


املك لاتظـــــن ولحبك انساه
هوه انه اشفت خاطـــــــراملك
احبك؟ شوكلتلي (استغفرالله)!!!
احبك؟غيـر احبـــــك جاشكلك؟

طكَت روحنة وماظن بعد نرتاح
إمن الهموم العلينة مابعد نصبر
ظيم من الطفولة وشيب الراس
وحسرة إعلة الفرح لمن بعد نكبر


دوس اعلة الورد كام الورد ينداس
بس عطر الورد ماتكدر الدوسة
أكو واحد هضيمة عل الوجه ينباس
ويصح واحد عل الجدم يستاهل البوسة