منتدى المغتربين نقاشات ، حورات ، تعارف ، مواقع ، سكن ، بلدان ، اراء

إضافة رد
 
LinkBack أدوات الموضوع انواع عرض الموضوع

قديم 08-09-2007   #1
" بغدادي برونزي "
 
كرميلا كرميلا غير متواجد حالياً


قصه وطن اسمه العراق :Iraq:


كان يا ما كان في قديم الزمان


كان اكو شيعة وسنه يعيشون بفد مكان

الشيعةجانوا ساكتين والسنه جانوا نايمين

والكل جان راضي بعيشته وفرحان

كان يا ما كان وكان الوكت خير وصحبة وأمان

وكان الصاحب الصاحبه ذخر والنخوة شيمة الخوان

وكا ن ياما كان كان يجمعهم مكان اسمه الوطن

وكان احله مابيه أهله وأحله مابيهم أخوتهم والامان

وبفد يوم من الايام مر بيهم طيف من الشيطان

والشيطان عالمؤمن لوتدرون ماله سلطان

بس طيف اللي مر بيهم الظاهر العن من الشيطان

شاف الناس ناس نايمه وناس ساكته وشاف الدنيا امان

ملعون هالشيطان ما صرفله الوضع وكال خل اكلبهه عليهم نيران

اجه عالشيعي وكله ساكت انت ياللبخ

شوف السني شلون ساكن قصر وانت كاعد عالحصران

واجه عالسني وكله ولك انت نايم ورجلك بالشمس

شوف الشيعي شلون متسلح الك وتره جارته ايران

وخبطت هاي الناس وكلمن شال سلاح وكام

الطالب والصانع واليفتهم والحشه السامع زمال

كله تكول وين الثار وين ايروح المطلوب من الديان

وشدوا سلاح ويه سلاح وتحزموا للذبح الف حزام

وكالوا الله.. احنه الزلم هاي الشجاعه تليق بالفرسان

وانفتحت عليهم بعد احزاب وعمايم ووجوه تشبه الغربان

كان ياما كان..وتجيكم السالفة..سالفة الفتنه شلون تحرك بنيران

وشبعت الناس من الذبح..صح شبعوا بس ماشبع الشيطان

كللهم اذبــــحوا واذبـــــــــحوا واذبحـــــــــــــــــــــوا للعصر

هاي هيه علامات النصر والشجاعه والفخـــــــــــر

وتره جدودكم ماصاروا أسياد عالعالم بالعلم والشهامة والقيم

جدودكم همه جانوا أهل الذبح

لعد أذحبوا ماطول خالكم طيب ..و استمرالذبح سنين وأعوام

الناس كالت يابه مو هايه صارت ماصخه وبليه ملح

كافي بعد وبس ليش كتلة الادمي صارت مثل كتلة الجلب

كلب الشيطان دفاتره ..باوع عالخطه الأمنيه زين كال لا هم بعد عوزهه ذبح

وأستمر الذبح ودريلات ومفخخات واغتيالات بفلس

وهجت هاي الناس بالاوطان ناس سكنت مصر

وناس سكنت سوريا وناس سكنت بعمان

وناس ماعدهة بخت طلعتلهه فيزا للسودان

وماظل بذاك الوطن اللا اللي جايز من روحه

لو بس اللي قرر يتلاوه ويه الشيطان

ضحك الخبيث وكللهم الربعة هيج الشغل لو لا

تعلمتوا صنعة الفتن لو ردتوا تحتلون الاوطان

بس هوه العتب مو عالشيطان العتب عله ذاك الشعب

شلون بساع ا تقشمر وانلعب

وشلون بساع تغيرت الاطباع

ليش همه مايدرون حظن الوطن لو ضاع

ماتلمهم بعده لا سما ولا كاع

ضل هذا الشعب ينزف سنين وأعوام

ياهو اللي يمد ايده ويسد هذا الجرح

وياهو اللي يصفي نيته ويه العراق

العراق اللي جان الهم غطه وخيمه وستر

ويامه هموم شال عنهم ويامه احمال

ويامه ويامه مضيفه جان عامر بالخير

ويامه شبعت من خيراته شعوب واوطان

هسه العراقي رخص وصارت تشتريه اوطان وتبيعه اوطان

وهاي هيه وتاليهه بس بعد ما خلصت سالفة العراق

يكولون بعد بيهه فصول تطول وتتغير بعد أوضاع

وخلي نجيب ليل ونشبع عتابه وخلي نجيب ويه عمرنه عمر

بلكي نشوف فد يوم تاليهه وبلكي نسمع فد يوم الخبر

ان الشيطان اخيرا عالعراقيين انقهر.. وقرر

انه يتركهم يعيشون بهالوطن بأمان:Iraq:

التوقيع: [IMG][/IMG]

احلى ما رأته عيني كرميلا
  رد مع اقتباس


قديم 08-09-2007   #2
" بغدادي برونزي "
الصورة الرمزية $دمعة وطن$
 
$دمعة وطن$ $دمعة وطن$ غير متواجد حالياً

تسلسل فكري رائع
حيييل عجبتني الفكره لانها غريبه شوي واذا قريتيها على العراقيين الي داخل العراق يمكن تتغير هواي اشياء
ابدعتي اختي في كلماتك رغم بساطتها
تحياتي

التوقيع:
  رد مع اقتباس


قديم 08-10-2007   #4
" بغدادي واصل للقمر "
الصورة الرمزية كرار الحسناوي
 
كرار الحسناوي بغدادي طاككرار الحسناوي بغدادي طاككرار الحسناوي بغدادي طاككرار الحسناوي بغدادي طاككرار الحسناوي بغدادي طاككرار الحسناوي بغدادي طاككرار الحسناوي بغدادي طاككرار الحسناوي بغدادي طاككرار الحسناوي بغدادي طاككرار الحسناوي بغدادي طاككرار الحسناوي بغدادي طاك كرار الحسناوي غير متواجد حالياً
إرسال رسالة عبر Yahoo إلى كرار الحسناوي

الله
يا عراق

مشكوووورة اعيوني كرميلا على الموضوع المحزن ويارب دوم التألق والابداع

التوقيع:
  رد مع اقتباس


قديم 08-15-2007   #5
" بغدادي طايــر "
الصورة الرمزية بغداد أصيل
 
بغداد أصيل بغدادي ماسيبغداد أصيل بغدادي ماسيبغداد أصيل بغدادي ماسيبغداد أصيل بغدادي ماسيبغداد أصيل بغدادي ماسيبغداد أصيل بغدادي ماسيبغداد أصيل بغدادي ماسيبغداد أصيل بغدادي ماسيبغداد أصيل بغدادي ماسيبغداد أصيل بغدادي ماسيبغداد أصيل بغدادي ماسي بغداد أصيل غير متواجد حالياً
إرسال رسالة عبر MSN إلى بغداد أصيل إرسال رسالة عبر Yahoo إلى بغداد أصيل

مشكووووووووووووووووووووووووووور على القصه
كلش حلوه

التوقيع: عراقي وأفتخر ولي مو عاجبه ينتحر و يكتب على كبره تحده العراقيو ماكدر
  رد مع اقتباس


قديم 08-17-2007   #6
" بغدادي متألق "
الصورة الرمزية ba7bo0o0o0o7.com
 
ba7bo0o0o0o7.com ba7bo0o0o0o7.com غير متواجد حالياً

عاشت الايادي مشكووووووره وتسلمين ويارب تتقبلين مروري....يتبع

  رد مع اقتباس

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
وطــــني وحبــيبي العــــراق AмŖooSH Altiқrity منتدى المغتربين 4 09-07-2009 07:51 PM
وطــــني وحبــيبي العــــراق لعيونك أتيت منتدى المغتربين 9 08-15-2009 02:24 AM
العــــراق من اين جاءت هذا الكلمه....؟؟؟؟ ~سموره الاموره~ منتدى بغدادي العام 14 09-25-2008 07:40 PM
حصـــار العــــراق والشام جـــــوري منتدى بغدادي العام 5 08-28-2008 11:30 AM
؛؛ العــــراق؛؛ МσЗĵάβ منتدى بغدادي العام 4 12-30-2007 09:35 AM


الساعة الآن 04:21 AM


اغاني عراقية

Powered by vBulletin

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193