ومضات للشاعر (جبار رشيد)

يمك تركت الكلب .. والوحدي رديت
ولمن وصلت ال هلي
هزاني شوكي الك
وبلا كلب حنيت
ـــــــــــــــــــــــــــــــــ
بيه لهفه .. الشوفه عيونك جبيره
وبيه حيـــــــــــــــــــــــره..؟
اشوكت اكول الحضرتك
كلمه اخيره ؟
ـــــــــــــــــــــــــــــــ
جنت احبك
..وانت ما عندك علم
..ولعلم
ما جنت اعرفك للعلم
شنهي يعني..؟
..يعني انت شكد مهم
ــــــــــــــــــــــــــــــــ
احب روحي كمت شعليه بالناس
خلي الي يكول ..ايكول اناني
جي غيرك بعد ما حبت الروح
احب اني كمت ...جيه حبك اني
ــــــــــــــــــــــــــــــــــــــــــــــــــ ــــ
اشكد احبك.. راح اكلك
انه ضلك
انه كلك
انه خلك
انه روحك ..واشتضن روحك تولك.؟؟؟؟
عمت عين الي تملك
ـــــــــــــــــــــــــــــــــــــ
عوف الناس مالك شغله بالناس..؟
عوف الناس
ليشغلون كلبك
تعرف ليش من عندك يغارون
لان بس انته احبنك ..واحبك