ضــع اعــلانك هنا
الملاحظات
|
|
أدوات الموضوع | انواع عرض الموضوع |
|
|
<<.الــــو وطنـــــــي .>> ..... لكلـــ مغتربــ وبعيــد عنــ وطنـــة
الو وطني آسف الخط إنقطع ألو .. ألو .. ألو .. وطني .. حبيبي .. عمري .. أرجوك ماأسمعك بلكي تعلي الصوت أسمع رصاص و بجي وعبر الأسلاك الدمع يوصل وريحة موت أسمع صياح ولطم ومناداه يا هَل الربع خل نرفع التابوت أسمع عياط ولطم وأم تنعه يا هلَ الولد يلغربت بسكوت ويلكنت وكت المسه بيدك تكود الكمر وتصيرله زاتوت ويلكنت شمعة عرس من تنطفي الكهربة خدك يضوي بيوت وكان الدرب يستحي ويلوذ من خطوتك لو ردت مره تفوت مـاخـاف لـيل اليجي مادام في معصمي يوليدي تضوي بتوت . ألو .. ألو .. ألو .. مــاأســمعـك يـاوطـن بالخط إجت وشوشه وإرتفع صوت القصف وصوت أَبو يكل للولد شـد روحـك بعـتبتك يـولـيدي لا تنخـطـف البارحه أعلِنَوا: مجموعه ذبحت شمس والصبح شفنه الصور نشرتها كل الصحف وأنباء أخرى إجت عن إغتيال النهر من سَيَّرْ إعله الجرف والثالثه عن حقل حركوا ا ثيابه ومشِوا والحال ما تنوصف ومن قبل أول أمس طَوقوا بيت اللغه وباكوا ا بقايا الحرف شدينه إيد الشرف والطيب والمرجله وأطلقنه إيد العنف ألو .. ألو .. ألو .. يمكن الخط إنقطع مَيْؤَوسْ من هل الوضع ماينصلِح هل الظرف . ألو .. ألو .. ألو .. آسف ولا ينسمع والصوت مو الأولي الصوت أحس مرتبك ذبـلان ورد الحجي بشفافك ومنكتل من حقي لو كمت أشك آني عـرفـتك قبل من تحجي ينزل رطب والدنيا تمطر ضحك وبكلشي أشوفك تهل حتى الصبح من يجي ويه الشمس تشترك وما كان واحـد قبل ياخذ ركبتك غفل لو صار وكت العرك وما بالَغِت لو قلت كنت أويه موت النِزَلْ لو زامطك تشتبك والآن ياوطني: دنكت لأصغر قزم والكان يحلم قبل يوصل الحَد الورك معقوله ياوطني إتخلي الكمر ينذبح وسِتْر الشمس ينهتك؟ . ألو .. ألو .. ألو .. وطني .. حبيبي .. عمري جن بلهاتك جَرِحْ من تحجي أحِسْ مختنك شــايل بكفك نــهـر مـيت ونخله إنكـتل مـــــــابـين إديـهـا العثك شايـل بكفك وطــن مذبوح من كل كتر وبثوبـه ريحة حــرك مـن كنت أبـوسك قبل خـدك يوَرِد هـوى ومـثل الكمر تعتلك والآن ياموطني دم بلبل براحِتك : يابس وريحة كتل توصلني كلما تمر نسمه إعله جثة العشك هم شفت قبلك وطن كتاله شعبه وزرَع بثيابه مِيَتْ فتك ؟ إحجي أريدْ أسْمَعَك مايسوه باقي العمر لوما تكول الصدك يلنعشَك إعله الجتف شلته بعد ماشفت كطعوك من العِرِك ألو.. ألو .. ألو .. وطني .. حبيبي .. عمري الليله كاس الحزن أرد أشربه بصحتك مرت سنه من قهر وسنين راحت تجي وأنت على حـالتــك دورت بين الصور كلت ألكة بلكت ولو شي باقي من ضحكتك وفجأة: إتفَجِرَتْ قنبله مزروعه وسط الصور والدم ترَسْ راحِتك ودخان عالي إرتفع ما كمت أمَيّـز بعد رجليك من هامِتك كتلوك ياوطني أهل الوجوه الصفر واللي كرط ملحِتك كابلني شيل النعش أرد آني أدفنك وأرد أحجيلهــــــم قصِتك لكن غريب الأمر: إشلون أدفن ضوه وياكاع تكدر تلم تحياتي |
|
|
رد: <<.الــــو وطنـــــــي .>> ..... لكلـــ مغتربــ وبعيــد عنــ وطنـــة
وربي حروف تقطر الماً ودماً
اهات تنحني من كل صوب بكيت هنا وانا التي كنت اواسي نفسي بالغصب اسمحي لي بهذا المرور السريع واعتذر لاني كنت احتضر هنا وخرجت من هنا استغيث تحياتي
|
|
|
رد: <<.الــــو وطنـــــــي .>> ..... لكلـــ مغتربــ وبعيــد عنــ وطنـــة
يا الله
يا الله يا الله لا اعرف ماذا ممكن ان يقال تصوير قد اختلط فيه حزن وقتل وسلب وظلم وخطف وخنق عرس شهيدا فقد فعلا قد سلبتي ارواحنا بكلمات اخجلتنا من التقائنا وتهامسنا وفرحنا ونساننا ماذا فعلو ويفعلو بعراقنا باطفلنا شببابنا بشوخنا سلمتي يا مبدعه يا صاحبة الوطنيه ويا عراقيه اصيله ارجو تقبل مروري ولكي الف تحيه واجمل سلام
|
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
الساعة الآن 02:06 PM
جميع الحقوق محفوظة لمنتديات بغدادي الحبيبه
